Sot në Shqipëri, temperaturat shkojnë deri në 40 gradë

08:16 | 18 Korrik 2023
E.K

Sipas MeteoAlb, ka një tërheqje të lehtë të valëve të të nxehtit afrikan në Shqipëri duke sjellë edhe rënie të lehtë të temperaturave të ajrit por moti mbetet sërish i kthjellët në të gjithë vendin.

Parashikohet që vranësira të lehta e kalimtare të shfaqen gjatë orëve të pasdites në zonat malore përgjatë shtrirjes lindore.

Temperaturat e ajrit mbeten sërish të larta si në mëngjes dhe në mesditë duke luhatur vlerat ditore nga 18°C deri në 40°C.

Era do të fryjë mesatare në tokë por deri e fortë në det me shpejtësi mbi 40 km/h nga drejtimi veriperëndimor duke bërë që në brigjet detare të krijohet dallgëzim 3 ballë. /tvklan.al

Shpërndaje në rrjete sociale

Lajmet më të lexuara

Të ngjashme

Foto lajm